A jednak...

Jeszcze jeden hymn ku czci św. Oswalda, tym razem z Analecta Hymnica:

Festum sacrati martyris
emeritique militis
Oswaldi regis inclyti
laude pangamus celebri.

Hic pubertatis tempore
hausit foecundo pectore
sacrae fluenta sophiae
maiestatis dominicae.

Regni qui culmen temperat,
dum monitis obtemperat
bona fide pontificis,
Aidani mirificis.

David en alter viribus
et aequipar virtutibus
hostes sternens ecclesiae,
palmam tenet victoriae.

Huius manus largiflua
pauperibus ac prodiga,
pontificis oratio
non marcet in perpetuo.

Demum triumpho nobili
pedes secutus Domini,
quod Christus in se praetulit,
mente pro Christo pertulit.

O regum gemma nobilis,
suffragio sis dapsilis,
et nobis te colentibus
adesto clemens omnibus.