Post świętojański

Vere dignum et iustum est, aequum et salutare, nos tibi semper et ubique gratias agere, Domine, sancte Pater, omnipotens, aeterne Deus, exhibentes sollemne ieiunium, quo beati Ioannis Baptistae natalitia praevenimus. Cuius genitor, dum eum dubitat nasciturum, sermonis amisit officium, et eo nascente et sermonis usum et prophetiae suscepit donum. Cuius genetrix, senio confecta, sterilitate mutata in eius conceptu, non solum sterilitatem amisit, fecunditatem acquisivit, sed etiam Spiritum Sanctum, quo matrem Domini et Salvatoris agnosceret, accepit. Per quem maiestatem tuam laudant Angeli, adorant Dominationes, tremunt Potestates. Caeli caelorumque Virtutes ac beata Seraphim socia exsultatione concelebrant. Cum quibus et nostras voces, ut admitti iubeas, deprecamur, supplici confessione dicentes: Sanctus, sanctus, sanctus Dominus Deus Sabaoth.