Miłość Ojca i Syna

1. Amor Patris et Filii,

veri splendor auxilii,

totius spes solatii,

indeficiens piorum

lux et praemium iustorum,

sublevator perditorum;

omnis fortitudinis,

omnis rectitudinis

ac beatitudinis

donator,

omnis sanctitudinis

amator.

2. Omnipotens, propitius,

omnitenens, innoxius.

Iustius, carius, honestius,

sanctius, fortius, subtilius,

quo nihil est potentius,

quo nihil est vel melius.

Illuminator cordium,

per quem ad Patrem omnium

venitur et ad Filium.

3. Fons ingenii,

dator gaudii,

medicina vitii,

spiritus consilii.

Humilis, docilis

ac invariabilis,

habilis, nobilis

ac insuperabilis,

promptus et amabilis.

Donum electum

dans intellectum,

dans et affectum.

4. Patris ac Nati Spiritus,

vivificans Paraclitus,

divinae dextrae digitus,

sublimitas, iocunditas

et pietas et bonitas,

benignitas et largitas.

Qui prout vult et ubi vult,

quousque vult et quantum vult,

spirat et erudit,

ditat et instruit,

replet et erigit.

5. Spiritus scientiae,

ad consolandum hodie

Apostolis donatur

et eis plenarie

fons verae sapientiae

per hunc administratur.

Corde devotissimo

benedicamus Domino.

Długom szukał tego 12-wiecznego tekstu w oryginale, znając tylko angielską parafrazę, ale w końcu, w zeszłym chyba roku, znalazłem.