Doksologie, czyli chwała Trójcy

Doksologie, czyli zakończenia hymnów w liturgii godzin, w różny sposób wyrażają tajemnicę Trójcy.

Sit Christe, rex piisime, / tibi Patrique gloria / cum Spiritu Paraclito, / in sempiterna saecula.

Deo Patri sit gloria / eiusque soli Filio / cum Spiritu Paraclito / in sempiterna saecula.

Christum rogamus et Patrem, / Christi Patrisque Spiritum; / unum potens per omnia / fove precantes, Trinitas.

Praesta, Pater piisime, / Patrique compar Unice / cum Spiritu Paraclito / regnans per omne saeculum.

Te nunc, Salvator, quaesumus / tibique genu flectimus, / Patrem cum Sancto Spiritu / totis laudantes vocibus.

Triadi sanctae gaudium, / pax, virtus et imperium, / decus, omnipotentia,/ laus, honor reverentia. 

Praesta, Pater ingenite, / totum ducamus iugiter / Christo placentes hunc diem / Sancto repleti Spiritu.

Christo sit omnis gloria, / Dei Parentis Filio, / quem Virgo felix concipit / Sancti sub umbra Spiritus.

Laudibus cives celebrant superni / te, Deus simplex pariterque trine; / supplices ac nos veniam precamur: / parce redemptis.

Praestet hoc nobis Deitas beata / Patris et Nati, pariterque Sancti / Spiritus, cuius resonat per omnem / gloria mundum.

Aequa laus summum celebret Parentem / teque, Salvator, pie rex, per aevum; / Spiritus Sancti resonet per omnem / gloria mundum.

Laus tibi Patri, decus atque Nato, / Flamini Sancto parilis potestas, / cuncta qui sceptro regitis supremo / omne per aevum.

Honor Patri sit et tibi, / Sancto sit Spiritui, / Deo trino sed et uni, / paci, vitae, lumini, / nomini prae cunctis dulci / divinoque numini. 

Aequa Patri Filioque, / inclito Paraclito, / sempiterna sit beatae / Trinitati gloria, / cuius alma nos redemit / atque servat gratia.

Gloria Patri per immensa saecula, / sit tibi, Nate, decus et imperium, / honor, potestas Sanctoque Spiritui; / sit Trinitati salus individua / per infinita saeculorum saecula.

 Amen.

Trójca Święta z Saint-Denis, Paryż